სორმონის საჯარო სკოლის კურსდამთავრებულმა ეროვნულ გამოცდებზე მაღალი ქულები მიიღო
11-08-2020
წყალტუბოს მუნიციპალიტეტის, სორმონის საჯარო სკოლიდან ეროვნულ გამოცდებზე მხოლოდ ერთი მოსწავლე - არჩილ ხანთაძე გავიდა.
როგორც სორმონის საჯარო სკოლის წარმომადგენელი გვატყობინებს, არჩილ ხანთაძემ არაერთხელ ასახელა მშობლიური სკოლა და ახლაც - 2020 წლის ეროვნულ გამოცდებზე საკმაოდ მაღალი ქულები მიიღო.
აქვე აღსანიშნავია, რომ არჩილ ხანთაძე ოქროსმედალოსანია, ხოლო საბაზო საფეხურის წარჩინებით დასრულებისთვის, სახელმწიფო პროგრამა - „ჩემი პირველი კომპიუტერის ფარგლებში“ ლეპტოპით დაჯილდოვებული.
წყალტუბოს მუნიციპალიტეტის, სორმონის საჯარო სკოლის ადმინისტრაცია და მასწავლებლები წარმატებებს უსურვებენ არჩილს ცხოვრების ახალ ეტაპზე რასაც ჯერ აბიტურიენტობა, შემდეგ კი სტუდენტობა ჰქვია.
სკოლების სიახლეები
