ქობულეთის მუნიციპალიტეტის ცეცხლაურის N1 საჯარო სკოლის 11 კურსდამთავრებულიდან ეროვნული გამოცდები ყველამ წარმატებით ჩააბარა და სტუდენტობისთვის ემზადებიან. სკოლის დირექცია ულოცავს კურსდამთავრებულებს მიღებულ შედეგებს.

„თითოეული პედაგოგი ამაყი და გახარებულია, რადგან 2020 წლის ერთიანი ეროვნული გამოცდის შედეგები აღმაფრთოვანებელია. თერთმეტი აბიტურიენტი ჰყავს სკოლას და ყველა სტუდენტი გახდება. სკოლის დირექტორი ბატონი ლადო ხოზრევანიძე მიღებული შედეგით კმაყოფილია და აღნიშნავს, რომ ეს ყველას დამსახურებაა. რომ არა შრომა და სწავლა, ეს შედეგი არ იქნებოდა.

ცეცხლაურის N1 საჯარო სკოლის სტუდენტები იქნებიან: ლიკა მამულაძე, ციური აბაშიძე, მირანდა სულამანიძე, რინდა ხოზრევანიძ, ქრისტინა ხოზრევანიძე, ლინდა ქარცივაძე, ბაჩუკი ბერიძე, მარიამ ბერიძე, ხატია მახარაძე, ჯაბა ხილაძე და ლიკა შაინიძე.

ცეცხლაურის N1 საჯარო სკოლა თითოეულს წარმატებებს უსურვებს“,-აღნიშნულია სკოლის ადმინისტრაციის ინფორმაციაში.