წყალტუბოს N4 საჯარო სკოლის დირექცია აქტიურ და წარმატებულ მოსწავლეს, მე-5 კლასელ საბა ქანთარიას გვაცნობს.

საბა ერთ-ერთი აქტიური მოსწავლე იყო, რომელმაც სასკოლო ღონისძიებებში მონაწილეობა დისტანციური სწავლების დროსაც  აქტიურად გააგრძელა. საბამ სკოლას გაუგზავნა სხვადასხვა თემატიკაზე შექმნილი ნახატები, მათ შორის გლობალურ პანდემიაზე, სლოგანით: „ყველაფერი კარგად იქნება“, ასევე ვიდეორგოლები, სადაც კითხულობდა ლექსებს 9 აპრილზე, 26 მაისზე, დედამიწის დაცვის დღეზე. წიგნის საერთაშორისო დღეს კი საყვარელი წიგნები გაგვაცნო.

საბამ დისტანციურ საგანმანათლებლო პროცესში აქტიური ჩართულობისთვის სკოლის დირექტორისგან სიგელი დაიმსახურა.

„წარმატებები ვუსურვოთ საბას, რომელზეც დიდ იმედებს ამყარებს ჩვენი სკოლა“, - აღნიშნავს სკოლის წარმომადგენელი.

სკოლასთან აქტიურად თანამშრომლობდა საბას პატარა ძმა სანდროც, რომელმაც სკოლას ლექსი და ნახატი გაუგზავნა.

იხილეთ ფოტოები