ცაგერის მუნიციპალიტეტის, ორბელის საჯარო სკოლაში 2019-2020 სასწავლო წელი წარმატებით დასრულდა. მიუხედავად იმისა, რომ თავად სკოლა მცირეკონტინგენტიანია - მე-12 კლასი ხუთმა და მე-9 კლასი 8 მოსწავლემ დაასრულა, დირექციასა და პედაგოგებს ნამდვილად შეუძლიათ იამაყონ მათი მიღწევებით.
როგორც Etaloni.ge-ს ორბელის საჯარო სკოლის ადმინისტრაციიდან აცნობეს, სკოლას ერთი ოქროსა და ერთი ვერცხლის მედლის კანდიდატი ჰყავს, ხოლო საბაზო საფეხურის ორი წარჩინებული კურსდამთავრებული ლეპტოპებს მიიღებს:
„ყველა საუკეთესო ახალგაზრდაა და დარწმუნებულები ვართ ყოველთვის, ყველგან გვასახელებენ. გვყავს ერთი ოქროს და ერთი ვერცხლის მედლის კანდიდატი მოსწავლე ასევე გვყავს საბაზო კურსდამთავრებული 2 კომპიუტერის მფლობელი მოსწავლე. კიდევ ერთხელ ვუსურვებთ მათ წინსვლასა და წარმტებას ცხოვრების გზაზე“.
