თელავის მუნიციპალიტეტის სოფელ რუისპირის საჯარო სკოლისთვის 2019-2020 სასწავლო წელი კორონავირუსის პანდემიის მიუხედავად, ორგანიზებულად დასრულდა.

რუისპირის საჯარო სკოლას წელს ერთი ოქროს და ერთი ვერცხლის მედლის კანდიდატი ჰყავს. ოქროს მედლის კანდიდატი - გელა პაპუნაშვილია და ვერცხლის მედლის კანდიდატი კი - ეთერი თანდილაშვილი

საბაზო საფეხური კი წარჩინებით დაამთავრა დომენტი აბრამიშვილმა. წარმატებით სწავლისთვის მოსწავლე საქართველოს განათლების, მეცნიერების, კულტურისა და სპორტის სამინისტრო კომპიუტერით დააჯილდოებს.

„თელავის მუნიციპალიტეტის სოფელ რუისპირის საჯარო სკოლისთვის 2019-2020 სასწავლო წელი კორონავირუსის პანდემიის მიუხედავად, ორგანიზებულად დასრულდა.

სკოლის მოსწავლეები და მასწავლებლები მზად შეხვდნენ ახალი ტიპის გამოწვევას და წარმატებით გამოიყენეს სწავლა-სწავლების ონლაინ ფორმატი.

• „ჩემი პირველი კომპიუტერი“, რომლის ერთ-ერთი ქვეპროგრამაა საქართველოს საჯარო სკოლების საბაზო საფეხურის კურსდამთავრებული წარჩინებული მოსწავლეების პორტაბელური კომპიუტერებით უზრუნველყოფა. ქვეპროგრამის ბენეფიციარები არიან მოსწავლეები, რომლებიც მიმდინარე წელს ასრულებენ საბაზისო საფეხურს და საფეხურის ნიშანი აქვთ 10 ქულა დამრგვალების გარეშე. აღნიშნული პროგრამის ბენეფიციარი წელს გახდა მე-9 კლასის წარჩინებული მოსწავლე დომენტი აბრამიშვილი.

• საშუალო საფეხურის წარჩინებულ კურსდამთავრებულთა ოქროსა და ვერცხლის მედლებით წახალისების პროგრამა .მოქმედი ეროვნული სასწავლო გეგმის თანახმად, წარჩინებული სკოლის მოსწავლე ოქროს ან ვერცხლის მედლითა და სერტიფიკატით ჯილდოვდება. ოქროს მედალს მიიღებს ის მოსწავლე, რომლის ყველა საგნის თითოეული წლის ნიშანი მესამე საფეხურზე არის დამრგვალებული 10. ვერცხლის მედალს მიიღებს ის მოსწავლე, რომლის ყველა საგნის თითოეული წლის დამრგვალებული ნიშნების საშუალო არითმეტიკული მესამე საფეხურზე არის 9.8 დან - 10-მდე”.

აქედან გამომდინარე სკოლას ჰყავს ერთი ოქროს მედლის კანდიდატი - გელა პაპუნაშვილი და ვერცხლის მედლის კანდიდატი- ეთერი თანდილაშვილი.

ვულოცავთ მოსწავლეებს აღნიშნულ წარმატებას და ვუსურვებთ მომავალში კიდევ უფრო მეტ წინსვლას!“,- აღნიშნულია სკოლის მიერ გამოგზავნილ წერილში.