წინწყაროს საჯარო სკოლა კურსდამთავრებულებმა - სალომე გელოვანმა და მარიამ ქურდიანმა ოქროს მედალზე დაამთავრეს
31-07-2020
თეთრიწყაროს მუნიციპალიტეტის სოფელ წინწყაროს საჯარო სკოლის მოსწავლეებმა 2019-2020 სასწავლო წელი წარმატებით დაამთავრეს.
სკოლას წელს ორი ოქროსმედალოსანი ჰყავს. სკოლა ოქროს მედალზე სალომე გელოვანმა და მარიამ ქურდიანმა დაამთავრეს.
ასევე საბაზო საფეხური წარჩინებით დაამთავრეს მოსწავლეებმა - გურამ ფირცხელიანმა, ქრისტინა ღორჯომელაძემ, ნანა მეიტიევამ და მალხაზ ლომინაძემ.
მოსწავლეებს წარმატებით სწავლისთვის საქართველოს განათლების, მეცნიერების, კულტურისა და სპორტის სამინისტრო კომპიუტერით დააჯილდოებს. კომპიუტერს წარმატებულ მოსწავლეებს საქართველოს განათლების, მეცნიერების, კულტურისა და სპორტის სამინისტრო პროგრამის - „ჩემი პირველი კომპიუტერი“ ფარგლებში გადასცემს.
სკოლა მოსწავლეებს და კურსდამთავრებულებს წარმატებას ულოცავს და წინსვლას უსურვებს.
სკოლების სიახლეები
