რუსთავის N5 საჯარო სკოლის XI^ა კლასის მოსწავლის, ანა აბრამიშვილის მშობელმა ირაკლი აბრამიშვილმა პედაგოგებს მადლობის წერილი მიუძღვნა. ირაკლი ამავე სკოლის კურსდამთავრებულია და თითოეულ პედაგოგთან განსაკუთრებული სიყვარული აკავშირებს.

„მე-5 საჯარო სკოლის კურსდამთავრებული ვარ. მოგეხსენებათ, რაოდენ დიდია ჩემი სიყვარული და პატივისცემა ამ სკოლის თითეული პედაგოგის მიმართ; ამის დასტური ის ფაქტია, რომ ჩემი ქალიშვილი ანა თქვენ მოგაბარეთ და უკვე მე-11 კლასელია, ანას სიტყვებმა შთამაგონა ამ წერილის დაწერა. მან დღეს სკოლის თვითმმართველობის დღეს ჩაუტარა მათემატიკის გაკვეთილი თანაკლასელებს და მოვისმინე, როგორ უთხრა თავის ლალი მასწავლებელს: ახლა მივხვდი თქვენს ღვაწლს, რამდენი ვიშრომეო...
ქალბატონო თამარ, დირექციის წევრები, ძვირფასო კლასის ხელმძღვანელო და პედაგოგებო, XI^ა კლასის მშობლების სახელით გეთაყვანებით და დიდ მადლობას გიხდით იმ დიდი ღვაწლისთვის, რასაც მომავალი თაობის სწორ გზაზე დაყენებისთვის ეწევით.
ჩვენ ვხედავთ და ვაფასებთ თქვენს ამაგს, გენდობით და გვიყვარხართ“,-მიმართა მშობელმა პედაგოგებს.