შუახევის მუნიციპალიტეტის დარჩიძეების საჯარო სკოლის პედაგოგი ციური აბაშიძე მე-12 კლასელებს დისტანციურად გამოემშვიდობა. პედაგოგმა კურსდამთავრებულებს ცხოვრების გზაზე წარმატებები უსურვა და წერილი მიუძღვნა.
„გული გვწყდება ყველას რომ თქვენთვის ბოლო ზარს ვერ დავრეკავთ წელს. არადა მიუხედავად ჩვენი სიმცირისა, რაღაცას ვგეგმავდით და ასე არ გვინდოდა ერთმანეთს დავმშვიდობებოდით. სხვა რა გზა გვაქვს ჩემო მეგობრებო ამ მოცემულობაში ასე მოგვიწევს ერთმანეთს დავემშვიდობოთ. ასე გავიარეთ ერთად ეს წლები, თქვენთან ერთად და ყველა იმ წარმატების თუ წარუმატებლობის მომსწრე ვარ თქვენი სასკოლო ცხოვრების. მადლობა იმ წლებისთვის და ურთიერთობისთვის, რაც თქვენთან ერთად გავიარე.
მინდა მოგილოცოთ სკოლის დასრულება, მინდა გისურვოთ ახალ გზის დასაწყისზე წარმატებები. დარწმუნებული ვარ თქვენს წარმატებებში და ყოველთვის თქვენი გულშემატკივარი ვიქნები. ვიცი მიუხედავად პატარ-პატარა ამბებისა, რომელზეც არ ღირს საუბარი, გიყვარვართ და არასდროს დამივიწყებთ თქვენს დამრრიგებელს, არასდროს დაივიწყებთ თქვენს მასწავლებლებს და თქვენს სკოლას! თქვენი ციური მასწავლებელი!“-წერს პედაგოგი ციური აბაშიძე.
იხილეთ ფოტოები
