თბილისში მეცნიერებისა და ინოვაციების საერთაშორისო ფესტივალი გაიხსნა. როგორც საქართველოს განათლებისა და მეცნიერების მინისტრმა, ალექსანდრე ჯეჯელავამ აღნიშნა, მეცნიერება ქვეყნის განვითარებისთვის უმნიშვნელოვანესია.

''ფესტივალის ამოცანა არის ახალგაზრდებში მეცნიერების, როგორც არჩევანის, როგორც კარიერის პოპულარიზაცია. მოგეხსენებათ, რომ წლების განმავლობაში მეცნიერება, როგორც კარიერა, არც ისეთი მიმზიდველი იყო. ჩვენ ვცდილობთ, დავარწმუნოთ ბავშვები, რომ სიტუაცია რადიკალურად შეიცვალა და მეცნიერების მიმართულებით ძალიან დიდი პერსპექტივებია. მომავალში ჩვენი ეკონომიკის, ბიზნესის, ქვეყნის განვითარება პირდაპირ კავშირშია მეცნიერების განვითარებასთან. მოგეხსნებათ, რომ ამ მიმართულებით ძალიან ბევრი გვაქვს გასაკეთებელი. დიდი იმედი მაქვს, რომ პატარები, ვინც აქ არიან, დაინტერესდებიან და კითხვებს დაუსვამენ თავიანთ მშობლებსა და მასწავლებლებს მეცნიერებასთან დაკავშირებით,'' - განაცხადა ალექსანდრე ჯეჯელავამ.

ფესტივალი 8 ოქტომბრამდე გაგრძელდება და ყველა დამთვალიერელს 150-მდე ღონისძიებას შესთავაზებს -  ლექციებს, სემინარებს, კონფერენციებსა და სამეცნიერო პიკნიკებს. ფესტივალში საქართველოს ხუთი ქალაქია ჩართული.