სასწავლო წელი დასრულდა და ახლა უკეთ ჩანს ყველა ის ნიუანსი, რომელიც თავისი დადებითი თუ უარყოფითი მხარეებით, დისტანციურ სწავლებას ახლდა. თუმცა ასეა, თუ ისე, ფაქტია - მხოლოდ მოსწავლეები და მასწავლებლები ბევრს ვერაფერს გახდებოდნენ, რომ არა მშობელთა უშუალო მონაწილეობა თუ ხელშეწყობა ონლაინ-სწავლებაში. სწორედ ასეთი თანადგომის გამო გადაწყვიტა თბილისის N102 საჯარო სკოლის პედაგოგმა, თამარ ფაჯიშვილმა IX^ა კლასის მოსწავლეთა მშობლები მადლობის სიგელებით დაეჯილდოვებინა დისტანციური სწავლების პროცესში აქტიური მხარდაჭერისთვის.

პედაგოგი თამარ ფაჯიშვილი ასევე იმედოვნებს, რომ მადლობის სიგელებს ონლაინ-გაკვეთილებზე მოგვიანებით ჩართული მოსწავლეების მშობლებიც მიიღებენ და მომავალი სასწავლო წლიდანაც ასე აქტიურად იქნებიან ჩართულები სასკოლო ცხოვრებაში.

იხილეთ ფოტოები