Izrune.ge-მ, დისტანციური სწავლებისას, მნიშვნელოვანი, როლი რომ შეასრულა, ეს პედაგოგებმა არაერთხელ აღნიშნეს, თუმცა ალბათ სკოლისთვის ორმაგად საამაყოა, როდესაც მოსწავლეები არა მხოლოდ აქტიურად იყვნენ ჩართულები ონლაინ-გაკვეთილებში, არამედ პარალელურად, არც არაფორმალური განათლების პროექტებს ივიწყებდნენ - izrune.ge-ს შემაჯამებელი ტესტისთვის განსაკუთრებული პასუხისმგებლობით ემზადებოდნენ და არც ინფორმაციების გაცვლა გაჭირვებიათ ერთმანეთთან ონლაინ-რეჟიმში.

ასეთი თავდაუზოგავი შრომის მაგალითი მისცეს ყველას ზუგდიდის მუნიციპალიტეტის, დარჩელის N1 საჯარო სკოლის მოსწავლეებმა თანატოლებს, როდესაც izrune.ge-ს შემაჯამებელი ტესტი წარმატებით გაიარეს და ოქროს, ვერცხლისა თუ ბრინჯაოს დიპლომებიც მოიპოვეს.

ილია ბიგვავამ და მარიამ შელიამ izrune.ge-ს შემაჯამებელი ტესტი 100 ქულით დააგვირგვინეს, თუმცა ნატა აკობია, შოთა შელია და სოსო ქორთუაც ოქროს დიპლომების მფლობელები გახდნენ და ჩვენ ისღა დაგვრჩენია, სამომავლოდ, წარმატება ვუსურვოთ მათ.

იხილეთ ფოტოები