
ლანჩხუთის N3 საჯარო სკოლის მოსწავლე მე-5 კლასის მოსწავლე ანასტასია დოლიძე ეკოკონკურსში მონაწილეობისთვის დაჯილდოვდა.
გარემოს დაცვის მსოფლიო დღის აღსანიშნავად, ორგანიზაციამ - „დავიცვათ საქართველოს სისუფთავე“ საქართველოს მასშტაბით სკოლის მოსწავლეებისათვის და მათი ოჯახების ჩართულობით, ეკოკონკურსი ჩაატარა. კონკურსის სლოგანი იყო - „იზრუნე გარემოზე და გაიმარჯვე“. ორგანიზაციის ინფორმაციით, ერთი თვის მანძილზე 160-ნა მონაწილემ წარადგინა გარემოს დაცვის თემაზე შექმნილი საკომუნიკაციო მასალა და პრობლემის გადაჭრის ინდივიდუალური ხედვა.
პროექტი განხორციელდა შვედეთის მთავრობის ფინანსური მხარდაჭერით და თანადგომით. აღნიშნულ პროექტში მონაწილეობდა ლანჩხუთის N3 საჯარო სკოლის მე-5 კლასის მოსწავლე ანასტასია დოლიძე, რომლის ნამუშევარმა, პრობლემიდან გამომდინარე, ჟიურის მხრიდან რეზონანსი გამოიწვია.
ორგანიზაცია - „დავიცვათ საქართველოს სისუფთავე“ კოორდინატორმა გურიის მხარეში, ნინო ცეცხლაძემ ანასტასიას სერტიფიკატი და საჩუქრები პირადად გადასცა.
იხილეთ ფოტოები