გორის N3 საჯარო სკოლის XII კლასელებს მასწავლებლები დისტანციურად გამოემშვიდობნენ. წელს, ქვეყანაში არსებული ეპიდსიტუაციის გამო მე-12 კლასელების გაცილება ტრადიციულად, ხალხმრავლობით არ აღნიშნულა.

„მომენტი, როცა ემშვიდობები, მშობლიურ სკოლას, კლასს, მერხს, მასწავლებლებს და გული გწყდება. ნამდვილად გულდასაწყვეტია, რომ წელს პანდემიის გამო არ იქნება ფერადი წარწერებით აჭრელებული თეთრი პერანგები და წინსაფრები. მიუხედავად ამისა, გილოცავთ ჩვენო ძვირფასო კურსდამთავრებულებო დამოუკიდებელი ცხოვრებისკენ პირველი ნაბიჯების გადადგმას. წარმატება დაგყვებოდეთ მეგზურად ყველგან!“-წერია სკოლის ადმინისტრაციის ინფორმაციაში.