შუაღელეს საჯარო სკოლის პირველკლასელებმა ონლაინ ღონისძიება - „ანიდან ჰაემდე“ გამართეს
17-06-2020
ზვიად დავითაძის სახელობის ქობულეთის მუნიციპალიტეტის სოფელ შუაღელეს საჯარო სკოლის პირველი კლასის მოსწავლეებმა ანბანთან გამოსამშვიდობებელი ღონისძიება სახელწოდებით - „ანიდან ჰაემდე“ ონლაინ რეჟიმში გამართეს.
ღონისძიებას კლასის დამრიგებელი, წამყვანი პედაგოგი მაია ქათამაძე ხელმძღვანელობდა.
მოსწავლეებმა სახლში მშობლების დახმარებით ჩაწერეს მოკლე ვიდეორგოლები, რომელიც შემდეგ მასწავლებელმა დაამუშავა და ააწყო საპრეზენტაციო პროგრამა PowerPoint-ში.
სკოლის წარმომადგენლის თქმით, პატარები ვირტუალურად კიდევ ერთხელ შეეცადნენ მოფერებოდნენ ქართულ ენას, ანბანსა და დედა ენას.
პედაგოგი მადლობას უხდის მოსწავლეებსა და მათ მშობლებს გაწეული დახმარებისა და თანადგომისათვის.
იხილეთ ფოტოები და ვიდეო
სკოლების სიახლეები
