ჩხოროწყუს მუნიციპალიტეტის მუხურის თემის საჯარო სკოლის დირექტორი როდერ ცირდავა სასწავლო წელს აჯამებს. 

„ჩხოროწყუს მუნიციპალიტეტის მუხურის თემის საჯარო სკოლამ მეტ-ნაკლებად ყველა ის გამოწვევა დაძლია, რომლის წინაშეც კორონავირუსის პანდემიის გამო აღმოვჩნდით. არ იყო ადვილი როგორც მასწავლებლებისთვის, ისე მოსწავლეთათვის საკლასო ოთახებიდან ონლაინ ჯგუფებში გადანაცვლება. მით უმეტეს, თავი იჩინა სხვადასხვა პრობლემამ: ზოგს ინტერნეტთან წვდომა ნაკლებად ჰქონდა, ზოგი კიდევ ინტერნეტის არქონას უჩიოდა, ასევე არ ჰქონდათ კომპიუტერი ან ლეპტოპი, არც შესაბამისი
აქსესუარი (მიკროფონი,ვიდეოთვალი და ა.შ.)... ონლაინსწავლების დადებითსა და უარყოფით მხარეებზე დღეს არ შევჩერდები, გეტყვით იმას, რომ სკოლამ კიდევ ერთი თაობა გააცილა, რომელთაც დისტანციურად დავემშვიდობეთ. მე-12 კლასის ყველა მოსწავლემ დაძლია სასწავლო პროგრამა და მიიღო წლიური შეფასება.

ასევე შეფასდა ყველა მოსწავლე. წლიურ ქულად განისაზღვრა 1-ელ სემესტრში მიღებული ქულისა და მე-2 სემესტრის 6 კვირის განმავლობაში გავლილი პროგრამისა და დისტანციური სწავლების პროცესის მიღებული ცოდნის შეფასების საფუძველზე მიღებული შემაჯამებელი ქულის საშუალო არითმეტიკული...

დისტანციურად ჩავატარეთ პედაგოგიური საბჭოს სხდომები. სემესტრი ოპტიმისტური განწყობით დავასრულეთ.
წარმატებებსა და ჯანმრთელობას ვუსურვებ ყველა ჩემს მოსწავლესა და კოლეგას!“ - აღნიშნავს ჩხოროწყუს მუნიციპალიტეტის მუხურის თემის საჯარო სკოლის დირექტორი როდერ ცირდავა.

იხილეთ ფოტოები