თბილისის N103 საჯარო სკოლის მე-3 კლასმა დისტანციურ სასწავლო პროცესს კარგად გაართვა თავი. მოსწავლეებს „თიმსის“ პროგრამაში უტარდებოდათ ქართულის, მათემატიკის, ბუნების, ინგლისურისა და ხელოვნების გაკვეთილები. ბავშვები ონლაინ გაკვეთილებში სიხარულით ერთვებოდნენ, რის გამოც წლის ბოლოს სერტიფიკატებიც დაიმსახურეს.

„III^დ კლასი (კლასის ხელმძღვანელი ნ. ყაჭეიშვილი) მსოფლიო პანდემიის გამო სრულად გადავიდა ონლაინ სწავლებაზე. მოსწავლეებს უტარდებოდათ ქართულის, მათემატიკის, ბუნების, ინგლისურისა და ხელოვნების გაკვეთილები. Teams- ის პროგრამამ საშუალება მოგვცა საგაკვეთილო პროცესი წარგვემართა სრულყოფილად, მომხდარიყო გამოკითხვა და ახალი მასალის ახსნა.

იმისათვის რომ, საგაკვეთილო პროცესი მიახლოებოდა რეალურს, ვიყენებდი  Power Point- ს, სადაც ვაწყობდი საინფორმაციო და სახალისო პრეზენტაციებს. 10-მდე მოსწავლე ვერ ახერხებდა Teams- ში ჩართვას და მათთვის გაკვეთილები  Facebook-ის საშუალებით ტარდებოდა.  

III^დ კლასის მოსწავლეები აქტიურად მუშაობდნენ TV-სკოლაშიც. ის ბავშვებისათვის საკმაოდ სახალისო აღმოჩნდა.  მიიღეს სიგელები, რამაც მათი მოტივაცია აამაღლა.

მე ვფიქრობ, ჩვენ შევძელით ამ რთულ გამოწვევას გავმკლავებოდით. დავასრულეთ პროგრამა და გადავედით მეოთხე კლასში. მადლობა ჩემს პატარებს და მათ მშობლებს, რომლებიც სასწავლო პროცესის წარმატებით დასრულებაში აქტიურ მონაწილეობდნენ.

III^დ კლასის მოსწავლეების სახელით, მინდა საქართველოს ყველა ბავშვს მივულოცო სასწავლო წლის დასრულება. მეთორმეტე კლასის მოსწავლეებს კი ერთიან ეროვნულ გამოცდებზე წარმატებები ვუსურვო“,-აღნიშნულია სკოლის ინფორმაციაში.        

იხილეთ ვიდეო