დიდი ჭყონის N1 საჯარო სკოლის V კლასის წარჩინებულმა მოსწავლემ ლუკა ჯანაშიამ „კინგსის“ ოლიმპიადაზე ინგლისურ ენაში ჯერ პირველ ეტაპზე გაიმარჯვა, შემდეგ კი ფინალში 100-დან 95 ქულა მიიღო და ოქროს მედლით დაჯილდოვდა.

აღსანიშნავია ისიც, რომ ლუკა ყველა სასწავლო საგანს ასეთივე წარმატებით სწავლობს.

გარდა იმისა, რომ ის განსაკუთრებული ინტელექტით ხასიათდება, გამოირჩევა ფეხბურთის ნიჭითაც. უკვე რამდენიმე წელია რაც „დინამოს“ სამეგრელო-ზემო სვანეთის საფეხბურთო სკოლაში თამაშობს, მიმდინარე წელს სამეგრელო-ზემო სვანეთის ჩემპიონი გახდა და სპეციალისტების შეფასებით, საქართველოში ერთ-ერთ საუკეთესო ფეხბურთელად მიიჩნევა.

შეგახსენებთ იმასაც, რომ ეს ლუკას პირველი წარმატება არ არის ინტელექტუალურ სფეროში. მან რამდენიმე თვის წინ „კინგსის“ ოლიმპიადაზე ინგლისურ ენაში პირველ ტურში 100-დან 100 ქულა მიიღო.

იხილეთ ფოტოები