ბაღდათის N1 საჯარო სკოლის XI კლასის მოსწავლე ანი გოგსაძე გაცვლითი პროგრამით ამერიკაში ისწავლის.

სკოლის წარმომადგენლის თქმით, 2019-2020 სასწავლო წლის მომავალ ლიდერთა გაცვლითი პროგრამა FLEX - ის კონკურსში მონაწილეობა წარმატებული აღმოჩნდა ბაღდათის N1 საჯარო სკოლის XI კლასის მოსწავლის ანი გოგსაძისათვის, რაც მას საშუალებას აძლევს გაეცნოს ამერიკის კულტურას და ხალხს. საერთაშორისო პროგრამის მეშვეობით, ისწავლოს ამერიკულ სკოლაში, იცხოვროს ამერიკელ მასპინძელ ოჯახთან ერთად, ერთი აკადემიური (2020-2021წ) წლის მანძილზე.

„გილოცავთ ანი ამ დიდ წარმატებას! ბაღდათის N1 საჯარო სკოლა ამ დიდ გამარჯვებას ასევე ულოცავს სკოლის დირექტორს ბატონ მერაბ ფურცელაძეს, ინგლისური ენის პედაგოგებს სოფო მინაძეს და ნათია მეფარიშვილს, კლასის ხელმძღვანელს ლია ტყემალაძეს და მთელ კოლექტივს“,- აღნიშნავს სკოლის წარმომადგენელი.