„იზრუნე ბუნებაზე, გაუფრთხილდი სიცოცხლეს!“ - ასეთი სახელწოდების პროექტი წამოიწყეს ზესტაფონის კერძო სკოლა „ანაბასისის“ მე-6 კლასის მოსწავლეებმა, რომლებიც სთხოვენ თანასკოლელებს და არა მარტო მათ, აქტიურად გამოეხმაურონ მათ გამოწვევას!
„მცენარეებს, ცხოველებს, ფრინველებს ისევე სჭირდება სითბო და სიყვარული, როგორც ადამიანებს! ბუნების
მოვლა-პატრონობა და დაცვა ხომ ყველა ადამიანის ვალია, თვით ადამიანი ბუნების ნაწილია, სწორედ ამიტომ გვსურს წამოვიწყოთ პროექტი, რომლის განხორციელება დიდ სარგებელს მოუტანს ადამიანებსაც და ბუნებასაც!“-ამბობენ ისინი.
ბუნებაზე ზრუნვა სიცოცხლის გაფრთხილებასთან ერთად ქვეყანაზე ზრუნვასაც რომ ნიშნავს, კარგად აქვთ გააზრებული მოსწავლეებს,რომლებიც ონლაინ გაკვეთილების შემდეგ აქტიურად არიან ჩართულნი მცენარეების, ცხოველების, ფრინველების მოვლა-პატრონობაში.
„ჩვენი ჯანმრთელობა და კეთილდღეობა სწორედ ბუნებაზეა დამოკიდებული, ბუნების დაცვა კი ჩვენზე! მოგიწოდებთ ყველას ერთად განვახორციელოთ პროექტი „იზრუნე ბუნებაზე, გაუფრთხილდი სიცოცხლეს!“-აღნიშნულია სკოლის ინფორმაციაში.
კლასის და პროექტის ხელმძღვანელი თეა სამხარაძეა.
წარმოგიდგენთ დემო ფოცხვერაშვილს, ბუნების ქომაგს, რომელსაც კარგად აქვს გაცნობიერებული საკუთარი როლი და ვალდებულება ბუნებასთან მიმართებაში.
იხილეთ ვიდეოები
