ბოლნისის მუნიციპალიტეტის კერძო სკოლა „დავითიანში“ დისტანციური სწავლების პერიოდში საინტერესო ღონისძიებები ტარდება. მათ შორის ერთ-ერთი საგანმანათლებლო სივრცის შექმნაა, რომელიც საშუალებას მისცემს მოსწავლეებსა და პედაგოგებს, რომ წიგნისგან მიღებული შთაბეჭდილებები გაუზიარონ ერთმანეთს.
„23 აპრილი წიგნის საერთაშორისო დღეა! საქართველოში - წიგნის ჩუქების დღეც! სწორედ ამ დღესთან დაკავშირებით ქ. ბოლნისის კერძო სკოლა „დავითიანის“ მე - 12 კლასის ქართული ენისა და ლიტერატურის მასწავლებელს, თეა ტყებუჩავას და მოსწავლეებს: ევამარია თამაზაშვილსა და ლიკა უგრეხელიძეს გაუჩნდათ იდეა, შეექმნათ საინტერესო საგანმანათლებლო სივრცე - „კარცერ -ლუქსი“. სივრცე, რომელიც საშუალებას მისცემს მოსწავლეებს, პედაგოგებს გაუზიარონ, აჩუქონ ერთმანეთს წიგნით მიღებული შთაბეჭდილებები. ამასთანავე, ეს გახლავთ ონლაინ ბიბლიოთეკა, სადაც განთავსებულია როგორც ქართველი, ისე უცხოელი კლასიკოსების და თანამედროვე მწერლების შემოქმედება!“-ვკითხულობთ სკოლის ინფორმაციაში.
იხილეთ ფოტოები
