წმინდა გაბრიელ ეპისკოპოსის სახელობის წყალტუბოს სასულიერო გიმნაზიის მოსწავლეებმა „გვირილობა“ დისტანციურად აღნიშნეს. VII^ა კლასის მოსწავლეებმა: ნინო გოდერიძემ და ელენე კვერნაძემ დღესასწაული საზოგადოებას მიულოცეს.

„გვირილობა“ მე-20 საუკუნის 20-იან წლებში დამკვიდრებული საქველმოქმედო ღონისძიებაა, რომელიც გიმნაზიელი გოგონას, ალექსანდრა ჩიქოვანის ინიციატივას და საქველმოქმედო აქციას უკავშირდება.

გოგონები გვირილებს კრეფდნენ, ყიდდნენ და შეგროვილი თანხით ტუბერკულ​ოზით დაავადებულ ადამიანებს ეხმარებოდნენ.

მომდევნო წლებში „გვირილობას“ ტრადიციის სახე მიეცა და ქალაქის დღესასწაულად იქცა.

გვირილებით და სტუმრებით სავსე ქალაქი დღეს ცარიელია და დუმს. 

თუმცა გიმნაზიელმა გოგონებმა გადაწყვიტეს ეს დღესასწაული მიელოცათ საზოგადოებისათვის. VII^ა კლასის მოსწავლეები ნინო გოდერიძე და ელენე კვერნაძე დისტანციურად მიესალმნენ და მოეფერნენ ქალაქს. 

გვირილობას გილოცავთ ძვირფასებო“,-აღნიშნულია გიმნაზიის ინფორმაციაში.

იხილეთ ვიდეოები