ბათუმის N18 საჯარო სკოლის მოსწავლეებმა ექიმებს მრავალფეროვანი ნამუშევრები მიუძღვნეს.

„ქართული ენის ერთ-ერთი გაკვეთილის დავალების შეკითხვაზე - „გამოიგონე ახალი პერსონაჟი და დაწერე ახალი ამბავი“, პასუხად, მოსწავლეთა უმრავლესობამ დღევანდელი უანგაროდ თავდადებული გმირები გაიხსენა და აღარავის გამოგონება არ ისურვა...

„XXI საუკუნის გმირები“ -ასე უწოდეს ჩვენს საამაყო ექიმებს!!! მადლობა ჩემო პატარებო, გულწრფელობისთვის, შრომისთვის, მონდომებისთვის, მოთმინებისთვის... რამხელა სითბოს და სიყვარულს იტევს თურმე თქვენი პატარა გულები... სიმშვიდეს და ჯანმრთელობას გისურვებთ!!! P.S. ვსწავლობთ დისტანციურად, ვითვალისწინებთ რეკომენდაციებს!!!“,- აღნიშნავს პედაგოგი როენა გოგოლაძე.

აღსანიშნავია, რომ ბათუმის N18 საჯარო სკოლა დისტანციურ სასწავლო პროცესს წარმატებით წარმართავს. სკოლის მასწავლებლები მოსწავლეებს ახალ მასალას დისტანციურად უხსნიან, აწვდიან დავალებებს და ამოწმებენ მათ ნამუშევრებს. 

იხილეთ ფოტოები