ადიგენის მუნიციპალიტეტის არლის საჯარო სკოლის მოსწავლეებისთვის დნმ-ის დღის მნიშვნელობაზე ონლაინ პრეზენტაცია ჩატარდა. მოსწავლეებს საინტერესო და მნიშვნელოვანი ინფორმაცია ბიოლოგიის მასწავლებელმა მიაწოდა.
„25 აპრილი დნმ-ის დღეა!
იგი ეძღვნება ჯეიმს უოტსონის, ფრენსის კრიკის, მორის უილკინსის, როზალინდ ფრანკლინისა და მათი კოლეგების ნაშრომის, დნმ-ის სტრუქტურის შესახებ, ჟურნალ Nature-ში გამოქვეყნების დღეს 1953 წელს.
ეს დღე პირველად აღინიშნა 2003 წელს აშშ-ში. 2010 წლიდან კი „საერთაშორისო დნმ-ის დღე“ ყოველწლიურად აღინიშნება.
სწორედ ამ დღესთან დაკავშირებით არლის საჯარო სკოლის V, VII, VIII, IX, X, XI კლასის მოსწავლეებისთვის ჩატარდა ონლაინ პრეზენტაცია.
მოსწავლეებმა, საინტერესო და მნიშვნელოვანი ინფორმაცია დნმ-ის შესახებ მიიღეს ბიოლოგიის მასწავლებლის ნინო კაჭკაჭაშვილისგან“, -აღნიშნულია სკოლის ინფორმაციაში.
