სოციალურ-საგანმანათლებლო პროექტ "ეტალონის" შემოქმედებითი გუნდი, წამყვანთან, გოჩა ტყეშელაშვილთან ერთად დღეს ცაგერს სტუმრობს.
ცაგერში, წმინდა ილია მართლის სახელობის სასულიერო გიმნაზიაში, ამ წუთებში, ეროვნული ინტელექტ-ჩემპიონატი მიმდინარეობს.
ინტელექტ-შეჯიბრში ცაგერის სკოლიდან 40 გამორჩეული ახალგაზრდა მონაწილეობს.
ღონისძიებას ადგილობრივი ხელისუფლების წარმომადგენლები, განათლების რესურს-ცენტრის ხელმძღვანელი, სკოლების დირექტორები, პედაგოგები, მოსწავლეები და მათი მშობლები ესწრებიან.
ინტელექტ-შეჯიბრის მონაწილეებს სიმღერებით ამხნევებენ.
დღევანდელ შეჯიბრში გამარჯვებულს "ცაგერის ეტალონი მოსწავლის" ტიტული მიენიჭება და ის გაზაფხულზე, ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას.
პირველი სამი ადგილის მფლობელს კი გამგეობა სპეციალურ პრიზებს გადასცემს.
"ეტალონი" 2016-2017 სასწავლო წელს საქართველოს ყველა ქალაქსა და მუნიციპალიტეტს ესტუმრება და ადგილზევე გამოავლენს "ეტალონ მოსწავლეებს".
პროექტი განათლებისა და მეცნიერების სამინისტროს მხარდაჭერით მიმდინარეობს.
