ნინოწმინდის მუნიციპალიტეტის ტამბოვკის საჯარო სკოლა დისტანციურ სწავლებაზე გადავიდა. სასწავლო პროცესში აქტიურად არიან ჩართულები მასწავლებლები და მოსწავლეები.

„ყველანი ვმუშაობთ „თიმსის“ პროგრამაში. ინტერნეტის პრობლემები არის ხოლმე, მაგრამ ბავშვები მაინც ახერხებენ ონლაინ რეჟიმში მუშაობას, ყველა ჩართულია და ტარდება გაკვეთილები“,-ამბობს სკოლის წარმომადგენელი.

შეგახსენებთ, რომ საქართველოში საგანგებო მდგომარეობაა. კორონავირუსის გავრცელების საფრთხის გამო საგანმანათლებლო დაწესებულებებში სასწავლო პროცესი შეწყვეტილია, სწავლა კი დისტანციურად მიმდინარეობს.