ახალქალაქის მუნიციპალიტეტის ვაჩიანის საჯარო სკოლა სასწავლო პროცესს დისტანციურად წარმართავს. სასწავლო პროცესში ჩართულები არიან როგორც მასწავლებლები და მოსწავლეები, ასევე მშობლები.
„მას შემდეგ, რაც განათლების სამინისტროს მიერ მოწოდებულ იქნა რეკომენდაციები ონლაინ - სწავლებაზე, დირექტორის ინფორმირებით, მხარდაჭერით მასწავლებლები და მოსწავლეები ჩავერთეთ „თაიმსის“ პროგრამაში.
თავდაპირველა, გვქონდა ხარვეზები, სირთულეები, მაგრამ მალევე დავძლიეთ და დღეის მდგომარეობით, შეიძლება ითქვას, აბსოლუტური უმრავლესობით ვახორციელებთ სწავლა-სწავლების პროცესს დისტაციურ რეჟიმში.
აქტიურობენ მშობლებიც და დაწყებით საფეხურზე, შესაძლებლობის ფარგლებში, ეხმარებიან კიდეც. „ვქმნით ისეთ სასწავლო რესურსებს და ვაწვდით მოსწავლეებს ისეთ დავალებებს შესასრულებლად, რაც მოსახერხებელია სახლის პირობებში“, -აღნიშნავენ მასწავლებლები.
