ხულოს მუნიციპალიტეტის ვერნების საჯარო სკოლა სასწავლო პროცესს დისტანციურად წარმართავს. მასწავლებლები მოსწავლეებს სხვადასხვა საკომუნიკაციო საშუალებით უკავშირდებიან და გაკვეთილებს უხსნიან.

მასწავლებლების და მოსწავლეების უმრავლესობა ჩართულია „თიმსში“, თუმცა ინტერნეტის ხარვეზის დროს სხვა სოციალურ საშუალებებს ან სატელეფონო კომუნიკაციას მიმართავენ.

შეგახსენებთ, რომ საქართველოში საგანგებო მდგომარეობაა. კორონავირუსის გავრცელების საფრთხის გამო საგანმანათლებლო დაწესებულებებში სასწავლო პროცესი შეწყვეტილია, სწავლა კი დისტანციურად მიმდინარეობს.