ქუთაისის N2 საჯარო სკოლი თანამშრომლები StopCoV-ის ფონდში ხელფასის ნაწილს გადარიცხავენ.
როგორც სკოლის წარმომადგენელი etaloni,ge -სთვის მოწოდებულ ინფორმაციაში აღნიშნავს, სკოლის თანამშრომლები ითვალისწინებენ რა ქვეყანაში არსებულ მდგომარეობას და შემოსავლის გარეშე დარჩენილი თანმოქალქეების მდომარეობას სურთ გვერდში დაუდგნენ სახელმწიფოს და სოლიდარობის ნიშნად ხელფასის ნაწილი ფონდში გადარიცხონ.
„მოგეხსენებათ, მსოფლიოში მიმდინარე გლობალური პრობლემის ფონზე, საქართველოც აღმოჩნდა კორონავირუსის გავრცელების არეალში. უკვე თვეზე მეტია ხელისუფლება და მედპერსონალი თავდაუზოგავად მუშაობენ ეპიდემიის გავრცელების შესაჩერებლად. გატარდა უამრავი ღონისძიება, დაიკეტა მრავალი კერძო თუ სახელმწიფო სტრუქტურა, იქ დასაქმებული ადამიანები კი სამსახურისა და შემოსავლის გარეშე დარჩნენ. ამ ფონზე, ჩვენ, მასწავლებლები ვაგრძელებთ მუშაობას დისტანციურ რეჟიმში და ვცდილობთ მაქსიმალურად შევუქმნათ მოსწავლეებს სასწავლო გარემო და შევასრულოთ ეროვნული სასწავლო გეგმით გათვალისწინებული სამუშაოები. ვითვალისწინებთ რა, შემოსავლის წყაროს გარეშე დარჩენილი ჩვენი თანამოქალაქეების მდგომარეობას, გვსურს ჩვენი წვლილი შევიტანოთ მათი დახმარების ფონდში.
