აწყურის საჯარო სკოლის მასწავლებლებმა კორონავირუსთან ბრძოლის ფონდში თანხა გადარიცხეს
13-04-2020
ახალციხის მუნიციპალიტეტის აწყურის საჯარო სკოლის მასწავლებლებმა StopCov ფონდში თანხა გადარიცხეს. მათ ერთხმად გამოთქვეს სურვილი, ამ სიტუაციაში გვერდში დაუდგნენ სახელმწიფოს.
„კორონავირუსის გავრცელების გამო, როგორც კი ქვეყანაში საგანგაშო მდგომარეობა შეიქმნა, სახელმწიფოს მხრიდან უამრავი რესურსი იხარჯება დაავადებულთა სამკურნალოდ და კარანტინში მყოფი მოქალაქეების უზრუნველყოფისათვის.
ახალციხის მუნიციპალიტეტის სოფელ აწყურის საჯარო სკოლის დირექციამ, ადმინისტრაციამ და მასწავლებლებმა მათი მოქალაქეობრივი პასუხისმგებლობიდან გამომდინარე, სურვილი გამოთქვეს, ამ ძნელბედობის ჟამს მხარში დაუდგნენ სახელმწიფოს და გარკვეული თანხა გადარიცხეს StopCov ფონდში“,-აღნიშნულია სკოლის დირექციის ინფორმაციაში.
სკოლების სიახლეები
