ხელვაჩაურის მუნიციპალიტეტის ახალსოფლის საჯარო სკოლა სასწავლო პროცესს დისტანციურად აგრძელებს.

„სკოლის მოსწავლეები და მასწავლებლები აქტიურად ატარებენ დისტანციურ გაკვეთილებს, რათა საგაკვეთილო პროცესი მაქსიმალურად ეფექტურად და კარგად წარიმართოს.

სკოლა სწავლებისათვის იყენებს სხვადასხვა ელექტრონულ პლატფორმას, როგორიცაა „თიმსი“, ელექტრონული ფოსტა, მესენჯერი, ასევე მობილურ ტელეფონს და ტელეგაკვეთილებს“,-აღნიშნავს სკოლის დირექტორი ტარიელ მიქელაძე.

შეგახსენებთ, რომ საქართველოში საგანგებო მდგომარეობაა. კორონავირუსის გავრცელების საფრთხის გამო საგანმანათლებლო დაწესებულებებში სასწავლო პროცესი შეწყვეტილია, სწავლა კი დისტანციურად მიმდინარეობს.