ჩოხატაურის მუნიციპალიტეტის ბასილეთის საჯარო სკოლა სასწავლო პროცესს დისტანციურად წარმართავს. 

„სკოლა მოსწავლეებთან ონლაინ რეჟიმში მუშაობს, შეძლებისდაგვარად. ვისაც ინტერნეტი აქვს „მესენჯერით“, ვისაც არ აქვს ტელეფონით“, - ნათქვამია სკოლის მიერ მოწოდებულ ინფორმაციაში.

შეგახსენებთ, რომ კორონავირუსის პანდემიის გამო საქართველოში საგანგებო მდგომარეობაა გამოცხადებული. სკოლებში სასწავლო პროცესი შეწყვეტილია, მოსწავლეებს კი გაკვეთილები დისტანციურად უტარდებათ.