ოზურგეთის N3 საჯარო სკოლის მასწავლებლები აცნობიერებენ ქვეყანაში არსებულ მდგომარეობას და მზად არიან, აპრილის თვის ხელფასიდან 50 ლარი გადარიცხონ STOPCOV ფონდში.

ოზურგეთის მუნიციპალიტეტიდან უკვე რამდენიმე სკოლამ გამოთქვა კორონავირუსთან ბრძოლისთვის შექმნილ ფონდში თანხის ჩარიცხვის სურვილი.

შეგახსენებთ, რომ საქართველოში საგანგებო მდგომარეობაა. COVID-19-ის დროულად დასამარცხებლად შეიქმნა ფონდი, სადაც თანხას რიცხავენ როგორც ბიზნესმენები, ასევე სხვა მოქალაქეები. stopcov.ge-ის ფონდში ამ ეტაპზე უკვე 23 მილიონ ლარზე მეტია შეგროვებული.