აბაშის მუნიციპალიტეტის სოფელ პირველი მაისის საჯარო სკოლა დისტანციურ სწავლებაზე გადავიდა. 

სკოლის წარმომადგენლის თქმით, სკოლის მოსწავლეები და მასწავლებლები დისტანციური სწავლების პროცესში აქტიურად ჩაერთვნენ.

„ვცდილობთ, დისტანციური შეხვედრები საინტერესო და მრავალფეროვანი გავხადოთ. მოსწავლეები ხალისით და წარმატებით ასრულებენ დავალებებს“,- აღნიშნავს სკოლის წარმომადგენელი. 

შეგახსენებთ, რომ კორონავირუსის პანდემიის გამო საქართველოში საგანგებო მდგომარეობაა გამოცხადებული. სკოლები დაკეტილია, სასწავლო პროცესი კი დისტანციურად მიმდინარეობს.