ქუთაისის N37 საჯარო სკოლის I^ა კლასის მოსწავლე დავით თათვიძე უკვე წარმატებული და ცნობილი მოჭადრაკეა, ის ევროპის ჩემპიონია.

„მან არაერთხელ მოიპოვა ბრწყინვალე გამარჯვება საქართველოსა და მის ფარგლებს გარეთ. სკოლაში შესვლის შემდეგ 8-9 წლამდე ასაკის ჭაბუკებში ორჯერ მოიპოვა პირველი ადგილი - ოქტომბრის თვეში ქალაქ ქუთაისში ჩატარებულ მაია ჩიბურდანიძის სახელობის ტურნირში, ხოლო 2-3 იანვარს ჩატარებულ იმერეთის სასკოლო ჩემპიონატში.

შემდეგი მიღწევა იყო მეორე ადგილი 20-28 იანვარს თბილისში ჩატარებულ სასკოლო ჩემპიონატში. საერთო ჯამში, იგი უკვე 16 თასისა და 23 მედლის მფლობელია.

რაც შეეხება სამომავლო გეგმებს-გაზაფხულზე დავითი მიემგზავრება კუნძულ კრეტაზე, სადაც მონაწილეობას მიიღებს ევროპის სასკოლო ჩემპიონატში და საქართველოს სახელით იასპარეზებს.

ქუთაისის 37-ე საჯარო სკოლა და დამრიგებელი თიკო ძნელაძე ამაყობენ მისით, კვლავაც უამრავ წარმატებასა და სასიხარულო ამბავს ელიან მისგან!“,-აღნიშნულია სკოლის ინფორმაციაში.

იხილეთ ფოტოები