ქედის მუნიციპალიტეტის მეძიბნის საჯარო სკოლა დისტანციურ სწავლებაზე გადავიდა. განათლების მეცნიერების, კულტურის და სპორტის სამინისტროს რეკომენდაციას სკოლა სრულად ითვალისწინებს.

სკოლის დირექციის წარმომადგენლის ინფორმაციით, დისტანციურ სწავლებაში ყველა კლასის დამრიგებელი და საგნის პედაგოგია ჩართული.

„პედაგოგები მზად აღმოჩნდნენ, გამოწვევას გამკლავებოდნენ. მათ მოახერხეს დისტანციური სწავლების დანერგვა, ონლაინ სწავლების პლატფორმის - teams-ის და სხვადასხვა პლატფორმების გამოყენებით. ასევე ძალიან მნიშვნელოვანია მშობელთა მაღალი ჩართულობაც“,- აღნიშნავს სკოლის დირექციის წარმომადგენლი.