აბაშის მუნიციპალიტეტის, წყემის საჯარო სკოლა დისტანციურ სწავლებაზე გადავიდა. 

სკოლის წარმომადგენლის თქმით, მოსწავლეებს გაკვეთილები დისტანციურად ძირითადად „მესინჯერის“ დახმარებით უტარდებათ. მხოლოდ რამოდენიმე ბავშვს აქვს ინტერნეტის პრობლემა და მასწავლებლები მათ ტელეფონით ეხმარებიან და აძლევენ დავალებებს.

„სკოლის დირექტორი რუსიკო მუმლაძე ფიზიკა-მათემატიკის მასწავლებელია ის ყველა კლასთან მუშაობს თავის საგნებში, ასევე არიან სხვა პედაგოგებიც. მასწავლებლები განათლების სამინისტროს ახალ პროგრამასაც მოსინჯავენ“,- აღნიშნავს სკოლის წარმომადგენელი.

შეგახსენებთ, რომ კორონავირუსის პანდემიის გამო საქართველოში საგანგებო მდგომარეობაა გამოცხადებული. სკოლები დაკეტილია, სწავლა კი დისტანციურად მიმდინარეობს.