„იმედია, მალე დავბრუნდებით ჩვენს საყვარელ სკოლაში“ - ქვედა კვირიკეს საჯარო სკოლა დისტანციურ სწავლებაზე გადავიდა
02-04-2020
ქვეყანაში შექმნილი მდგომარეობის გამო, ქობულეთის მუნიციპალიტეტის ქვედა კვირიკეს საჯარო სკოლა გადავიდა დისტანციურ სწავლებაზე.
„მასწავლებლები იყენებენ დისტანციურ სასწავლო პროცესს მორგებულ პროგრამებს, კერძოდ შექმნილია ჯგუფები მესენჯერში. ასევე თანდათანობით გადადიან Teams-ის პროგრამაზე, სადაც შესაძლებელია ვირტუალური საკლასო ოთახებისა და ციფრული დაფის მოწყობა.
აღსანიშნავია ისიც, რომ ზოგიერთ მოსწავლეს არ აქვს წვდომა ინტერნეტთან და შესაბამისად, ვერ ხერხდება მოსწავლეებთან დაკავშირება. იმედია, მალე დავბრუნდებით ჩვენს საყვარელ სკოლაში“,-ამბობს სკოლის წარმომადგენელი.
შეგახსენებთ, რომ საქართველოში საგანგებო მდგომარეობაა. სკოლებში დეზინფექციები ტარდება. 2 მარტს დაწყებული არდადეგები გახანგრძლივდა, სწავლება კი დისტანციურად მიმდინარეობს.
სკოლების სიახლეები
