დუშეთის მუნიციპალიტეტის შუაფხოს საჯარო სკოლის მოსწავლეებისთვის დისტანციური სწავლება მიმდინარეობს. მასწავლებლები იყენებენ სხვადასხვა სოციალურ ქსელს, ასევე TEAMS-ის პროგრამას.

„პედაგოგები და მოსწავლეები „მესენჯერსა“ და facebook-ს იყენებდნენ. ეტაპობრივად, გადავედით სამინისტროს მიერ რეკომენდირებულ საკომუნიკაციო საშუალებაზე. TEAMS-ის პროგრამა საინტერესო აღმოჩნდა მასწავლებლებისათვის და მოსწავლეებისთვისაც“,-ამბობს სკოლის წარმომადგენელი.

შეგახსენებთ, რომ საქართველოში საგანგებო მდგომარეობაა გამოცხადებული. სკოლებში 2 მარტს დაწყებული არდადეგები გახანგრძლივდა, სწავლება კი დისტანციურად მიმდინარეობს.