ქობულეთის მუნიციპალიტეტის, გვარას საჯარო სკოლაში კორონავირუსის გავრცელების პრევენციის მიზნით სადეზინფექციო სამუშაოები ჩატარდა.

სკოლის ინვენტარი, საკლასო ოთახები, ბიბლიოთეკა და სპორტდარბაზი ვირუსის საწინააღმდეგო ხსნარებით დამუშავდა.

ზოგადსაგანმანათლებლო დაწესებულებებს დეზინფექცირება 10-მდე დასახელების სხვადასხვა სადეზინფექციო საშუალების გამოყენებით უტარდებათ.

​კორონავირუსის პანდემიის გამო საქართველოს საჯარო სკოლებში სასწავლო პროცესი შეწყვეტილია. ამ პერიოდში საგანმანათლებლო დაწესებულებებში ინტენსიური სადეზინფექციო სამუშაოები ხორციელდება.