მუხურის თემის საჯარო სკოლა დისტანციური სწავლების პროცესში ჩაერთო
26-03-2020
ჩხოროწყუს მუნიციპალიტეტის, მუხურის თემის საჯარო სკოლა, მიუხედავად ტექნიკური სირთულეებისა, დისტანციური სწავლების პროცესში ჩაერთო.
„მასწავლებლები ვცდილობთ, გაგვიადვილდეს ახალ ონლაინ სივრცეში ორიენტირება. მიუხედავად ჩვენი მონდომებისა და მოტივაციისა, გამოიკვეთა რიგი პრობლემები: ვერ ვახერხებთ მთელი კლასის ჩართვას: ბევრ მოსწავლეს არ აქვს ინტერნეტწვდომა. ასევე, გვაფერხებს ინტერნეტის დაბალი სიჩქარე.
გეტყვით, რომ ვცდილობთ, პროგრამა Teams-ს ავუწყოთ ფეხი, ეს პლატფორმა მეტ შესაძლებლობებს იძლევა დისტანციური სწავლების დროს, თუმცა ამ პორტალით სარგებლობისას ვერ ავცდით ტექნიკურ პრობლემებს.
გვჯერა, ეს პერიოდი მშვიდობით გადაივლის“, - წერს სკოლის წარმომადგენელი.
სკოლების სიახლეები
