ამბროლაურის მუნიციპალიტეტის ველევის საჯარო სკოლის მასწავლებლები მოსწავლეებს ტელეფონით უკავშირდებიან და სწავლების პროცესიც ასე მიმდინარეობს. ბავშვებს არ აქვთ სათანადო ტექნიკური საშუალებები, რის გამოც დისტანციურად სხვადასხვა კომპიუტერული პროგრამით სწავლება შეუძლებელია.
„კორონავირუსის გამო, როგორც ყველგან, ამბროლაურის მუნიციპალიტეტის ველევის საჯარო სკოლაშიც შეწყვეტილია სასწავლო პროცესი. მოთხოვნისამებრ, მასწავლებლებიცა და მოსწავლეებიც გადადიან ურთიერთობის ახალ რეჟიმზე, მაგრამ კომუნიკაციის დამყარება შესაძლებელია მხოლოდ ტელეფონით, რადგან მოსწავლეებს არ აქვთ სათანადო ტექნიკური საშუალებები და არც ინტერნეტია ხელმისაწვდომი“,-აღნიშნულია დირექციის განცხადებაში.
შეგახსენებთ, რომ საქართველოში საგანგებო მდგომარეობაა, სასწავლო პროცესი შეწყვეტილია. გაკვეთილები კი დისტანციურად მიმდინარეობს.
