ხელვაჩაურის მუნიციპალიტეტის ერგეს საჯარო სკოლაში კორონავირუსის გავრცელების პრევენციისა და რისკების ეფექტიანი მართვის მიზნით, სადეზინფექციო სამუშაოები შპს „სუფთა სახლმა“ ჩაატარა.

პრევენციული ღონისძიების ფარგლებში, სპეციალური ხსნარებით დამუშავდა საკლასო ოთახები, სასკოლო ინვენტარი, დერეფნები, სველი წერტილები, სპორტული დარბაზი და ა.შ.

საქართველოს საჯარო სკოლებში კორონავირუსის გავრცელების პრევენციის მიზნით, საგაზაფხულო არდადეგები გახანგრძლივდა და 2 მარტიდან 1-ელ აპრილამდე გაგრძელდება. ყველა საჯარო სკოლაში ინტენსიური სადეზინფექციო სამუშაოები ტარდება.

იხილეთ ფოტოები