ჭიათურის მუნიციპალიტეტის ქვედა ჭალოვანის საჯარო სკოლაში, ვირუსული ინფექციის პრევენციის მიზნით, სადეზინფექციო სამუშაოები ჩატარდა.

სპეციალური საშუალებებით დამუშავდა სასკოლო ოთახები, დერეფნები და სველი წერტილები.

სკოლის წარმომადგენლის თქმით, ისინი სასკოლო საზოგადოების უსაფრთხოებაზე აქტიურად ზრუნავენ.

კორონავირუსთან დაკავშირებით პრემიერ-მინისტრის ხელმძღვანელობით მოქმედი უწყებათაშორისი საბჭოს გადაწყვეტილებით, სასწავლო დაწესებულებებში არდადეგები 1-ელ აპრილამდე გახანგრძლივდა. შესაბამის ინფორმაცია  მთავრობის ადმინისტრაციამ გაავრცელა. ამ პერიოდის განმავლობაში სკოლებში ინტენსიური სადეზინფექციო სამუშაოები ჩატარდება.