წყალტუბოს N4 საჯარო სკოლის მე-4 კლასში ხელოვნების გაკვეთილზე თემაზე - „არქიტექტურა და გარემო“ დისკუსია მოეწყო.

მოსწავლეებმა არქიტექტურისა და გარემოს ურთიერთკავშირის მნიშვნელობა გააცნობიერეს, მაკეტები გააკეთეს და თავიანთი შეხედულებები პრაქტიკულად გამოხატეს, კერძოდ, „ააგეს“ ურბანისტული მაკეტი, რისთვისაც ქაღალდის კოლოფები, ფერადი ფურცლები, მუყაო და საღებავები გამოიყენეს.

მუშაობა შეაჯამეს და პრეზენტაციები გააკეთეს ჯგუფის ლიდერებმა.

„მადლობა ქალბატონ ინგას, რომელიც ყოველთვის გამოირჩევა კრეატიული მიგნებებით და საგაკვეთილო თემების ორიგინალური გადაწყვეტით, რაც მოსწავლეთა დიდ დაინტერესებას იწვევს“, - წერს სკოლის წარმომადგენელი.

იხილეთ ფოტოები