ლაგოდეხის მუნიციპალიტეტის, ჰერეთისკარის საჯარო სკოლაში ვირუსული ინფექციის გავრცელების პრევენციის მიზნით სადეზინფექციო სამუშაოები ჩატარდა.

სკოლის შიდა პერიმეტრი, საკლასო ოთახები, კაბინეტები, ბიბლიოთეკა, სველი წერტილები და დერეფნები სპეციალური საშუალებებით დამუშავდა.

დასუფთავება-დეზინფექციაში სკოლის პედაგოგები მონაწილეობდნენ. 

სადეზინფექციო სამუშაოები განათლების, მეცნიერების, კულტურისა და სპორტის სამინისტროს რეკომენდაციის შესაბამისად ჩატარდა.

საჯარო სკოლებში სადეზინფექციო სამუშაოების ჩატარების მიზნით, საგაზაფხულო არდადეგები გახანგრძლივდა და 2-დან 16 მარტამდე გაგრძელდება. ამ პერიოდის განმავლობაში საქართველოს ყველა საჯარო სკოლაში ინტენსიური სადეზინფექციო სამუშაოები მიმდინარეობს.

იხილეთ ფოტოები