თეთრიწყაროს მუნიციპალიტეტის მარაბდის საჯარო სკოლაში ვირუსული ინფექციების გავრცელების რისკის შემცირების მიზნით სადეზინფექციო სამუშაოები ჩატარდა.

დეზინფექცია ჩაუტარდა სკოლის შენობის ყველა ნაწილს: დერეფნებს, საკლასო ოთახებსა თუ, სველ წერტილებს.

ზოგადსაგანმანათლებლო დაწესებულებებს დეზინფექცირება 10-მდე დასახელების სხვადასხვა სადეზინფექციო საშუალების გამოყენებით უტარდება.

უწყებათაშორის საკოორდინაციო საბჭოზე მიღებული გადაწყვეტილებით, საქართველოს საჯარო სკოლებში, სადეზინფექციო სამუშაოების ჩატარების მიზნით, საგაზაფხულო არდადეგები გახანგრძლივდა და 2-დან 16 მარტამდე გაგრძელდება. ამ პერიოდის განმავლობაში საქართველოს ყველა საჯარო სკოლაში ინტენსიური სადეზინფექციო სამუშაოები განხორციელდება.

იხილეთ ფოტოები