თელავის N2 საჯარო სკოლაში კორონავირუსის პრევენციის მიზნით სადეზინფექციო განყოფილება - „ჯანმრთელობის“ სპეციალისტებმა  მთელი რიგი სადეზინფექციო სამუშაოები ჩაატარეს.

სკოლის შენობის ყველა სართული, დერეფნები, საკლასო ოთახები, სველი წერტილები, სასკოლო ინვენტარი სველი წესით, აქვა-კურეს ხსნარით დამუშავდა.

ზოგადსაგანმანათლებლო დაწესებულებებს დეზინფექცირება 10-მდე დასახელების სხვადასხვა სადეზინფექციო საშუალების გამოყენებით უტარდება.

უწყებათაშორის საკოორდინაციო საბჭოზე მიღებული გადაწყვეტილებით, საქართველოს საჯარო სკოლებში, სადეზინფექციო სამუშაოების ჩატარების მიზნით, საგაზაფხულო არდადეგები გახანგრძლივდა და 2-დან 16 მარტამდე გაგრძელდება. ამ პერიოდის განმავლობაში საქართველოს ყველა საჯარო სკოლაში ინტენსიური სადეზინფექციო სამუშაოები განხორციელდება.

იხილეთ ფოტოები