ბათუმის N30 საჯარო სკოლის მოსწავლეები აჭარის ავტონომიური რესპუბლიკის უმაღლესი საბჭოს სტუმრობდნენ. 

VIII, IX ,X XI -კლასის მოსწავლეებმა გამოფენა - „საარქივო დოკუმენტები სტამბოლის ქართული სავანიდან“  დაათვალიერეს.

სკოლის წარმომადგენლის თქმით, საკანონმდებლო ორგანოში გამოფენილი იყო 50-ზე მეტი დღემდე უცნობი საარქივო დოკუმენტი, რომლებიც მე-19 საუკუნის მეორე ნახევრიდან 20-ე საუკუნის 80-იან წლებამდე პერიოდის საქართველოს საზოგადოებრივ და პოლიტიკურ ვითარებას ასახავს.

მოსწავლეებს საშუალება ჰქონდათ გაცნობოდნენ საზღვარგარეთ გახიზნული საქართველოს დემოკრატიული რესპუბლიკის მთავრობის საქმიანობის ამსახველ მასალებსა და დემოკრატიული საქართველოს კონსტიტუციის სამუშაო ვერსიის ასლს.

იხილეთ ფოტოები