ამბროლაურის მუნიციპალიტეტის ხვანჭკარის საჯარო სკოლაში ოკუპაციის დღესთან დაკავშირებით ღონისძიება გაიმართა.
ღონისძიება ქართული ენისა და ლიტერატურის მასწავლებლის, ნინო ჯინჭარაძისა და ისტორიის მასწავლებლის, ირინა მეტონიძის ხელმძღვანელობით მოეწყო.
პედაგოგებმა და მოსწავლეებმა პატივი მიაგეს ოკუპაციის მსხვერპლთა ხსოვნას.
„25 თებერვალი საბჭოთა ოკუპაციის დღედ არის გამოცხადებული. ამ დღეს, ოკუპაციის მსხვერპლთა პატივსაცემად, საქართველოს მთელ ტერიტორიაზე სახელმწიფო დროშები ეშვება.
1921 წლის 25 თებერვალს რუსეთის წითელმა არმიამ თბილისი აიღო და მოახდინა საქართველოს დემოკრატიული რესპუბლიკის ანექსია.
25 თებერვალს ასევე აღინიშნება ივერიის ღვთისმშობლის ხატის ხსენების დღე. მოსწავლეებმა და მასწავლებლებმა გაიხსენეს ივერიის ღვთისმშობლის ხატთან დაკავშირებული ისტორია და მისი სასწაულები“,-აღნიშნულია სკოლის ადმინისტრაციის განცხადებაში.
