„მინდა მსოფლიოს მოსახლეობა ჩაერთოს ვაქცინის გამოგონებაში“ - ლანჩხუთის N1 სკოლის მოსწავლე კორონავირუსის გავრცელებას ნახატით გამოეხმაურა
25-02-2020
ლანჩხუთის N1 საჯარო სკოლის მე-7 კლასის მოსწავლე გიორგი ნაცვალაძე ჩინეთში გავრცელებულ კორონავირუსს ნახატით გამოეხმაურა.
„დავხატე წვეთი, რომელიც შპრიციდან გადმოდის და მასში მოქცეულია ჩინეთის რუკა. წვეთს აქვს მრგვალი ფორმა, რომლითაც მინდა მსოფლიოს მოსახლეობა ჩაერთოს ვირუსის საწინააღმდეგო ვაქცინის გამოგონებაში. საკმარისია ერთი წვეთი მოსახლეობის გადასარჩენად“, - ამბობს გიორგი.
სკოლის წარმომადგენლის ინფორმაციით, ნახატი წარდგენილი იყო ოზურგეთში მერაბ ბერძენიშვილის სახელობის თანამედროვე სახვითი ხელოვნების ცენტრში მეცხრედ ჩატარებულ გამოფენა-კონკურსში „ზამთრის ვერნისაჟი“.
სკოლების სიახლეები
